Mastura Abduraim

Adabiyotga ilk qadam - ilk kitob!

,,Abadiy kapalak" hikoyasi Turkiyaning ,,Gunche yayinlari" nashriyotida o'zbek ijodkorlarining ,,So'zga oshiq ko'ngillar" nomli antalogiya kitobida turk tilida (Tarjimon Jahongir Nomozov) chop etildi. Mazkur yilni adiba uchun omad yiliga aylanishi, ilk adabiy farzandi-kitobi chop etilishiga sababchi bo'lgan ,,Qanot" loyihasidan taklif kelib tushdi va muallif esse hamda hikoyalari asosida taqrizlar va audiolar tanloviga start berildi. Goliblarga pul hamda kitoblar to'plamlari mukofotlari qo'yildi. Tanlov toki kitob chop etilib taqdim etilgunga qadar davom ettirildi. ,,Saodat" jurnalida ,,Tekin kalendar" hajviy hikoyasi hamda ,,Tibbiyot va hayot gazetasida bir qator qisqa hikoyalari chop etildi. Vanihoyat, aprel oyida ilk kitobi bo'lgan esse va hikoyalar to'plami ,,ISTISNO" homiylik asosida chop etib chiqarildi. 2025- yil 20-may kuni (yana yili bilan to'liq yozishni istadim) ,,ISTISNO" kitobining ,,Qanot" loyihasi tomonidan uyushtirilgan katta taqdimoti bo'lib o'tdi. Taniqli yozuvchi va shoirlar, jurnalist, matbuot xodimlari, tanlov ishtirokchilari tashrif buyurgan taqdimot qizg'in va ajoyib ruhda o'tdi. Kitob keng ommaga taqdim etildi, muallif ijodi va yangi kitob haqida fikrlar bildirildi. G'oliblarga pul mukofoti hamda kitoblar to'plamlari sovg'a qilindi. Mehmonlarga ,,ISTISNO" kitobi sovg'a qilindi. Loyiha tomonidan kitoblar oliygohlar va maktablarga ham tarqatrildi. ,,Ijod chashmasi" jurnalida drabll, ,,Telba falsafalar" ruknidan aforizmlari va adibaning mazkur jurnal hamda teatr haqidagi fikr-mulohazalari berib borildi. Ozarboyjonda o'tkazilgan kitoblar festivali munosabati bilan o'zbek ijodkorlari asrlaridan iborat bo'lgan ,,O'zbekistan incileri" antalogiyasida adibaning ,,Quyosh bolalari" essesi hamda ,,Istisno" hikoyasi ozar tilida chop etildi. ,,Turon" kutubxonasi tashabbusi bilan ,,Istisno" kitobining ikkinchi taqdimoti bo'lib o'tdi. Taqdimotda harbiy soha vakillari, ijodkorlar, adabiyotsevar muxlislar hamda talaba yoshlar ishtirok etishdi. Adabiyot va ijod haqidagi qizg'in suhbatlar, adabiy viktorina, kitoblar to'plamlari sovg'a etilishi taqdimotni yanada jonli o'tishiga zamin bo'ldi. ,,Ijod chashmasi" jurnali, matbuot va ijtimoiy-adabiy saytlarda ,,Qanot" loyihasi va ,,Istisno" haqida yoritildi.